zoom
Comun di Tavagna

Piazza Indipendenza 1 - 33010 Feletto Umb. - tel: 0432/577311 - 0432/1698911 - fax: 0432/570196

Va ai contignûts. | Spostiti su la navigazion

Imprescj personâls

Teritori

Cartina del FriuliIl Comun di Tavagnà, logât a plui o mancul 137 metris parsore il nivel dal mâr, si cjate a nord de periferie di Udin, tal mieç dai torints Cormôr e Tôr, e si slargje fin ai prins forans morenics, suntune superificie complessive di cuasi 15,25 chilometris cuadrâts.

Il teritori comunâl al è cenglât a nord dai Comuns di Tresesin e Reane dal Roiâl, a nord ovest di chel di Pagnà che, cu lis bassanis dal Cormôr al segne il confin, a ovest di chei di Martignà e Pasian di prât e, par finî, a sud a est di chel di Udin.

Il Comun al cjape dentri, in plui che Tavagnà, lis frazions di Dedeà, Branc, Cjavalì, Culugne, Felet (sede comunâl), Sante Foscje e dute che largje part di Mulignûf che si cjate de bande a man çampe de vie Cividine, fintremai ae borgade di Godie.

La storie di Tavagnà e je stade condizionade di simpri des viis impuartantis di comunicazion che i passin traviers. A chestis a son leadis lis trasformazions sociâls e struturâls dai ultins decenis, che a àn viodût un slargjâsi progressîf dai insediaments abitatîfs e produtîfs.

Par vê une idee dai fuarts mudaments sucedûts baste meti confront i dâts de popolazion tal 1961, che e risultave jessi di 6.719 unitâts, cui abitants dal Comun di cumò che a son 14.687.

Ancje tai ultins agns, si ben che il salt naturâl de popolazion (la diference jenfri chei nassûts e chei muarts) al sedi in paritât, e continue la cressite de popolazion.