zoom
Comun di Tavagna

Piazza Indipendenza 1 - 33010 Feletto Umb. - tel: 0432/577311 - 0432/1698911 - fax: 0432/570196

Va ai contignûts. | Spostiti su la navigazion

Imprescj personâls

Consums energjetics des impresis, Tavagnà al premie lis realtâts plui bulis dal Comun

Tal ambit de atuazion dal Plan di Azion pe Energjie Sostignibil pal Pat dai Sindics, vie pe Vierte passade il Comun di Tavagnà al à ativât il prin "Censiment energjetic des impresis", par mieç di un cuistionari indreçât aes impresis par cognossi i lôr consums energjetics, i intervents fats pe eficience e la produzion di energje rinovabile.

La rilevazion e je stade fate de dite Area20 midiant de ativitât davuelte di Alice De Luca tal ambit dal progjet "Esperiencis lavorativis pai zovins sot i 30 residents tal comun di Tavagnà". La durade de ativitât e je stade di 4 mês.

Suntun totâl di 228 impresis contatadis, a àn aderît ae iniziative 153 di lôr, ven a stai il 67%. La maiorance dai intervistâts e à declarât la proprie disponibilitât a fâ part di grups di acuist par miorâ lis condizions di furniment di prodots energjetics o di implants. Les impresis a àn cjatât interessant la possibilitât di jentrâ a fâ part salacor di un grup di lavôr cun chê di proponi e sparniçâ sul teritori lis soluzions di miorament che si puedin aplicâ.

Lis "Smart Companies" (Impresis bulis, ndt) di Tavagnà

Stant la disponibilitât dimostrade des impresis, il Comun di Tavagnà al à decidût di destinâ un ricognossiment di merit aes aziendis che si son mostradis disponibilis pe rilevazion, publicant sul sît comunâl, intune sezion clamade “Smart Companies” (Impresis bulis, ndt), il non des impresis e la nature dai intervents virtuôs fats pe eficience energjetiche e la produzion di energje rinovabile.

  Chescj i risultâts dal Censiment:
  • 5 impresis su 153 a àn instalât e ativât implants di solâr termic
  • 19 impresis su 153 a àn instalât ativât implants fotovoltaics
  • 5 impresis su 153 a àn fat intervents pe eficience dai implants produtîfs
  • 52 impresis su 153 a àn fat intervents pe eficience dai edificis e/o implants

Ricognossiments

Il concors “Smart Companies” (Impresis bulis) e je la ocasion par ativâ i principis de “accountability de dite” (responsabilitât, ndt), ven a stai il nivel di responsabilitât civiche di ogni dite.Accountability (responsabilitât) e je la peraule che intint il rindi cont, di bande di chei che a àn posizions aministrativis o socio economichis di responsabilitât, rispiet a ce che a àn fat e a lis lôr azions. Tal mont economic il concet di accountability si palese te dimostrazion e comunicazion ai citadins de proprie capacitât di produsi valôr economic e sociâl.

la iniziative e jentre tal ambit de atuazion dal PAES (Plan di Azion pe Energje Sostignibil) pal Pat dai Sindics