Invît a teatri 2009 - "Scherçs di amôr"
Associazione Culturale Robonis di Udine - comedie brilante di Pierre Carlet de Chamblain de Marivaux
| Cosa |
|
|---|---|
| Quando |
07/11/2009 da 20:45 al 23:00 |
| Dove | Auditorium comunale di Feletto Umberto |
| Persona di riferimento | Ufficio cultura |
| Recapito telefonico per contatti | 0432-577326 |
| Aggiungi l'evento al calendario |
vCal
iCal
|
Sabide ai 7 di Novembar dal 2009
Auditorium comunâl di Felet – aes 20.45
Associazione culturale Robonis di Udine
SCHERÇS DI AMÔR
Adatament par furlan di “Il zûc dal amôr e dal câs”
Comedie brilante di Pierre Carlet de Chamblain de Marivaux
Personaçs e atôrs
Jacum Iliano Dalle Mule
Mari, fi di Jacum Stefano Tracogna
Silve, fie di Jacum Carol Hoefken
Dorante, pretendent di Silve Paolo Rossi
Lisute, camarele di Silve Belinda Taiman
Arlechin, servidôr di Dorante Marco Donda
Regjie: Sonia Dorigo
Senografie: Paolo Del Torre
Costums: Alessandra Linda e Fabrizio Loi
Jacum, un vieli zentilom, al lasse che la fie Silve e scambii vistîts e mistîr cu la camarele Lisute par che e puedi studiâ, cence jessi ricognossude, il caratar di Dorante, il nuviç che je e maridarà, cence fâi savê però che Dorante al doprarà il stes argalif, pal stes motîf, scambiantsi cul so valet Arlechin. L’amôr al nas al prin incuintri. Infratant ancje i doi servidôrs, tal puest dai lôr parons, a si declarin la lôr passion. Silve, però, no contente di se stesse par jessisi inamorade di un valet e varès voie di bandonâ il rûl di Lisute. Ma cuant che Dorante i pant il so amôr e la sô vere identitât, e decît di lâ indevant a fâ crodi di jessi Lisute e e invide so fradi Mari a fâ fente di jessi inamorât di jê par ingjelosî Dorante. Cuissà cemût che e larà a finîle!
In gracie di un stîl gustôs e curât il teatri di Marivaux si ferme a descrivi lis mil finecis dal amôr: cuant che al nas o tes sôs metamorfosis ambiguis, tal so scontrâsi cu lis convenzions sociâls e mondanis.
Marivaux al fâs vignî fûr lis contradizions dai personaçs dividûts jenfri “il jessi” e “il someâ”, la veretât e l’ingjan e al distapone lis pleis scuindudis dal zûc de passion, mostrant la essence di une nature umane che e clope, malsigure, plene di perplessitât e domandis.
