I Benandants tra storie e leterature
Sandri Carrozzo, studiôs di lenghe e tradizions furlanis, al è autôr dal libri "Il sium, il viaç, la bataie – Il miluç de magne", publicât dal Istitût di Ricercje Achille Tellini. Cheste conference si è davuelte martars ai 6 di Jugn dal 2006 a Branc
Il relatôr al à tignût une conference che e à presentât in particolâr lis testemoneancis leterariis sui benandants, figuris di prin plan de storie e de tradizion popolâr furlane. I benandants a jerin oms e feminis processadis de incuisizion vie pal Rinassiment stant che a declaravin di lâ fûr cul spirt dal cuarp e di lotâ cuintri dai strions pal ben de comunitât: i documents principâi pal studi di chest fenomen a son lis cjartis dai procès, ma si pues gjavâ informazions interessantis ancje de leterature furlane. Te conference a son stâts presentâts e analizâts in detai tocs di Giambattista Donato (sec. XVI), di Ermes di Colorêt (sec. XVII), di Pieri Çorut e di Toni Broili (sec. XIX).
