zoom
Comun di Tavagna

Piazza Indipendenza 1 - 33010 Feletto Umb. - tel: 0432/577311 - 0432/1698911 - fax: 0432/570196

Va ai contignûts. | Spostiti su la navigazion

Imprescj personâls

Sportel pe Lenghe Furlane

Il Sportel pe Lenghe Furlane, screât ai 15 di Dicembar dal 2005, al è un servizi che la Aministrazion Comunâl di Tavagnà e à volût par permeti ai citadins dal Comun di meti in vore, daûr de Leç 482/99, il dirit di podê doprâ il Furlan in dutis lis situazions de vite cuotidiane, ancje tai rapuarts cu lis Istituzions. Altris informazions tu lis cjatis in Municipi: ven a cjatânus!

Ce che al fâs il Sportel

  • promozion de Leç 482/99 pe tutele des minorancis linguistichis storichis, par chel che al inten la Lenghe Furlane: coordenament cun ducj i uficis dal Comun pal ûs dal furlan in ducj i setôrs de publiche aministrazion:
  • gjestion dai progjets finanziâts de Leç 482/99 e de Leç Regjonâl 15/96;
  • assistence aes scuelis, associazions comunâls pe redazion des domandis di contribûts daûr de Leç Regjonâl 15/96 pe tutele e promozion de Lenghe e de culture furlanis;
  • realizazion in lenghe furlane di materiâl informatîf pai citadins: sfueuts e documents, comunicâts stampe, sît internet e modulistiche che a doprin i uficis comunâi;
  • traduzion in Lenghe Furlane di manifescj e comunicazions al public, ancje daûr de domande di citadins, associazions, scuelis, aziendis dal comun.

 

Normative in cont de tutele del Furlan

Chi o cjatais lis cuatri leçs di fonde che a tutelin la Lenghe Furlane te Republiche Taliane.
Al è clâr che i ats normatîfs a son cetancj di plui, ancje par vie de evoluzion de materie e dai inzornaments relatîfs. Par tant cheste pagjine e à un valôr indicatîf par tacâ a jentrâ tal argoment: si consee di aprofondî la cognossince de materie, lant a viodi ancje i leams segnâts sot.

Costituzion Taliane:
Articul 6
“La Republiche e tutele cun normis di pueste lis minorancis linguistichis”

Lis altris leçs in Italie e in Regjon:

L.R. 15/96

L 482/99

DPR 345/2001

L.R. 29/2007

Riferiments plui aprofondîts tu ju cjatis tai sîts chi sot:

ARLeF - Agjenzie Regjonâl pe Lenghe Furlane

PAR SAVENT DI PLUI:

La politiche de UE par tutelâ lis lenghis des minoritancis


Il Sportel pe Lenghe Furlane dal Comun di Tavagnà al è li de Biblioteche comunâl a Felet:
Vie Mazzini 9
33010 Felet di Tavagnà (UD)

1n Plan

Orari pal public:
di Lunis a Vinars des 9.00 aes 13.30

Telefon: 0432/577355

Direzion di pueste eletroniche: lenghe.furlane@comune.tavagnacco.ud.it