zoom
Comun di Tavagna

Piazza Indipendenza 1 - 33010 Feletto Umb. - tel: 0432/577311 - 0432/1698911 - fax: 0432/570196

Va ai contignûts. | Spostiti su la navigazion

Imprescj personâls

Servizi di acet scolastic

I servizis di pre e di post acet a garantissin une ativitât di control dai arlêfs de scuele elementâr intal periodi prin e dopo dal principi o de fin dal orari scolastic, cun chê di agjevolâ i gjenitôrs che a àn dificoltât tal compagnâ o ritirâ i fîs a scuele rispiet al orari fissât des autoritâts scolastichis.

I servizis a son afidâts a personâl idoni, cun compits di acet e vigjilance. Il numar dai operadôrs impegnâts al è determinât in funzion dal numar dai fruts iscrits al servizi stes e che in medie a frecuentin, daûr un rapuart operadôr/fruts di 1/20.

La ativazion dai servizis di pre e/o di post acet scolastic e dipent de iscrizion di almancul 8 arlêfs. Chest servizi al è stâts fin cumò ativâts dal Comun di Tavagnà li des Scuelis primariis di Dedeà, Culugne (dome pre acet) e Felet (pre e post acet).

I servizis di acet scolastic a son articolâts cussì:

Servizi di pre acet:
- Scuele primarie di Dedeà cun jentrade tacant des 7.15;
- Scuele primarie di Culugne cun jentrade tacant des 7.30;
- Scuele primarie di Felet cun jentrade tacant des 7.20.

Servizi di post-acet:
- Scuele primarie di Felet cun sprolungjament de permanence a scuele fin aes 17.10

Tarifis
I coscj dal servizi a son di:
- € 18,50 mensîi pal pre acet des scuelis di Dedeà e Felet;
- € 14,00 mensîi pal pre acet de scuele di Culugne;
- € 12,00 mensîi pal post acet di Felet.
Lis tarifis si ridusin dal 20% intal câs di une frecuence no superiôr a doi dîs ae setemane.
Lis tarifis si ridusin dal 50 % intal câs di frecuence dal secont fi.
Tal câs che al sedi la frecuence contemporanie dai doi servizis, la tarife dal servizi di post- acet e ven ridote dal 50%.
Lis tarifis a son determinadis de Sonte Comunâl intal principi di ogni an solâr in funzion dal numar efetîf di iscrits.
Il paiament dai servizis al  ven fat in dôs ratis, la prime relative al periodi Setembar-Dicembar e la seconde al periodi Zenâr-Jugn e al pues jessi fat:
- a mieç versament ae Tesoraria dal Comun di Tavagnà, Banca di Cividale spa - Filiâl di Felet Vie Udin 51, oraris:  8:20-13:20 e 14:35-15:35 di lunis al vinars, doprant i ordins provisoris di incàs inviâts dal Ufici Ativitâts Culturâls- Biblioteche intal moment de iscrizion;
- a mieç di bonific bancari intestât ae TESORERIA COMUNALE - BANCA DI CIVIDALE S.P.A. - IBAN: IT29 B 0548464300033570423098;
- daurman li dal Ufic comunâl par mieç dal Bancomat.

Iscrizion:
Par podê usufruî dai servizis al covente presentâ domande di amission li dal Ufici Protocol dal Comun di Tavagnà- Place Indipendence, 1 Felet, doprant i modui a pueste di podê cjatâ li dal Ufici Ativitâts Culturâls - Biblioteche e inte sezion Modulistiche sot ripuartade.

Ufficio di competenza