zoom
Comun di Tavagna

Piazza Indipendenza 1 - 33010 Feletto Umb. - tel: 0432/577311 - 0432/1698911 - fax: 0432/570196

Va ai contignûts. | Spostiti su la navigazion

Imprescj personâls

Lis modalitâts organizativis

A son furnidis di une proprie cusine e di un refetori lis Scuelis de infanzie di Dedeà, Culugne, Felet e Tavagnà. Chês altris scuelis a son dotadis dome di refetoris pal consum dai mangjâs.
Pe produzion dai mangjâs al covente alore distingui tra lis scuelis che, dotadis di une cusine interne, a fasi di bessolis i mangjâs e chês là che i mangjâs a vegnin prodots difûr (clamâts "mangjâs veicolâts").

Mangjâs prodots a nivel locâl
I mangjâs a son prodots intes cusinis di ogni scuele e distribuîts ai fruts intai refetoris de scuele stesse.
A doprin cheste modalitât di confezionament dai gustâs i fruts des scuelis de infanzie di Dedeà, Culugne, Felet e Tavagnà. I fruts di chestis scuelis a gjoldin dal servizi par cinc dîs ae setemane.

Gustâs veicolâts
I gustâs a son prodots li dal centri par cuei de Sodexo Italia spa, che al à sede a Glemone. Metûts in contignidôrs di pueste coibentâts pal mantigniment des temperaduris adeguadis, il gustâ al ven "veicolât" aes scuelis e distribuît dal personâl de Aziende apaltadore.
A doprin "gustâs veicolâts" che a rivin di Glemone:

  • i arlêfs des classis a timp plen de Scuele primarie di Felet, ogni dì dal lunis al vinars;
  • i arlêfs des classi a timp plen de Scuele primarie di Dedeà, dome pai seconts (i prins a vegnin veicolâts de Scuele de Infanzie lì dongje);
  • i arlêfs des classis a timp plen de Scuele Secondarie di I grât di Felet, intes zornadis di lunis, miercus e vinars;
  • i arlêfs des Scuelis primariis di Dedeà, Culugne e Tavagnà che a frecuentin il servizi di Timp integrât.