zoom
Comun di Tavagna

Piazza Indipendenza 1 - 33010 Feletto Umb. - tel: 0432/577311 - 0432/1698911 - fax: 0432/570196

Va ai contignûts. | Spostiti su la navigazion

Imprescj personâls

Dirit di studiâ

Jutoris finanziaris pal dirit al studi pai students iscrits te scuele secondarie di prin grât e secont grât residents intal teritori comunâl. An scolastic 2015/2016.

Su la fonde di ce che al previôt il Regolament dai intervents a pro dal dirit al studi fat bon dal Consei Comunâl dai 26.11.2014 e ae deliberazion de Zonte Comunâl seguitive dai 23.07.2015 n. 82  relative ae determinazion des fassis I.S.E.E. e dal impuart dai contribûts pal acuist dai libris di scuele pai students de scuele secondarie di I grât e dai jutoris finanziaris pai students une vore meritevui che a frecuentin dal tierç al cuint an de scele sceondarie di II grât pal an scolastic 2015/16 a vegnin concedûts contribûts economics pal dirit di studiâ daûr chestis indicazions:

I contribûts a son destinâts:

  • aes fameis dai arlêfs residents intal Comun e che a frecuentin la scuele secondarie di prin grât (Scuelis Mediis), tant che contribût pal acuist dai libris di test;
  • ai students residents intal Comun e che a frecuentin la scuele secondarie di II grât (classe tierce, cuarte e cuinte de Scuele superiôr), une vore meritevui, a titul di jutori finanziari.

O visìn che i student che a frecuentin la scuele secondarie di secont grât a restin fûr di chest contribût stant che la Regjon Autonome Friûl Vignesie Julie, par mieç de Provincie, e proviodarà a dâ contribûts specifics pes spesis di traspuart scolastic e pai libris di test a pro dai students notâts ae scuele secondarie superiôr (il bant de Provincie al vignarà fûr sù par jù tal mês di Zenâr dal 2016).

La Zonte Comunâl e proviôt ogni an a definî lis fassis I.S.E.E., la scjadince pe presentazion de domande, l'impuart dai contribûts pai students meritevui. cun di plui, e proviôt a fâ buine ogni an la graduatorie daûr l'art. 4 pont 4 dal Regolament dai intervents a pro dal dirit al studi.

Al vignarà adotât l'Indicadôr de Situazion Economiche Ecuivalente (I.S.E.E.) tant che strument pe valutazion de situazion economiche dal nucli familiâr di chel che al domande. (Par une descrizion sintetiche dal I.S.E.E., de documentazion che e covente pal so calcul e des modalitâts par otignî la certificazion, viodi la sezion Atestazions ISEE). Si domande I.S.E.E. ORDENARI bon pes prestazions agjevoladis indreçadis ai minôrs  o ben I.S.E.E. MINÔRS in câs di gjenitôrs no maridâts l'un cun l'altri e che a non vivina insieme.

Intal câs di risorsis no suficientis par sodisfâ dutis lis domandis rivadis e vignarà fate une graduatorie su la fonde dal indicadôr ISEE e daûr di chê a vignaran assegnâts i contribûts a chei che a'nd àn dirit fin a finî i fonts disponibii 

Scuelis dal oblic (gjavadis lis elementârs)

Destinataris: students de scuele secondarie di prin grât (Scuelis Mediis) residents intal Comun di Tavagnà.

Ogjet: contribût pal rimbors des spesis sostignudis pal acuist dai libris di test.
Impuart dal contribût: Il contribût al è diferenziât in funzion dal Indicadôr de Situazion Economiche Ecuivalente (I.S.E.E.) e de spese efetive paiade e documentade ( pal acuist, de fature comerciâl cu la liste dai libris comprâts; pal riscat eventuâl dai libris in comodât, de atestazion di paiament).

Limits ISEE pal acès ai contribûts: Il contribût al è leât ae situazion economiche dal nucli familiâr di chel che al domande, individuade dal Indicadôr de Situazion Economiche Ecuivalente (I.S.E.E.) come chi sot segnât:

  • se l' I.S.E.E. al è fin a € 14.500,00 erogazion dal 100% dal contribût
  • se l' I.S.E.E. al è cjapât dentri tra € 14.500,01 e 18.500,00 erogazion dal 70% dal contribût
  • se l' I.S.E.E. al è cjapât dentri tra € 18.500,01 e 20.000,00 erogazion dal 40% dal contribût

Scuelis no dal oblic (classe tierce, cuarte e cuinte superiôr)

Destinataris: students de scuele secondarie di II grât che a frecuentin lis classis dopo de seconde (classe tierce, cuarte e cuinte de Scuele superiôr)

Ogjet
: contribût economic una tantum par student une vore meritevui.

Recuisîts:
- Situazion economiche dal nucli familiâr di chel che al domande, individuade dal Indicadôr de Situazion Economiche Ecuivalente (I.S.E.E.) no superiôr a € 20.000,00;
- Jessi une vore meritevui. A son ritignûts une vore meritevui i students che a vedin otignût al tiermin dal an scolastic passât la medie dal "Vot".
Chest recuisît al varà di jessi declarât sot de proprie responsabilitât di bande di chel che al fâs la domande.

L'impuart des borsis di studi pai students une vore meritevui al ven stabiilît an par an de Zonte Comunâl. Pal an scolastic 2015/2016, verificât il possès di ducj i doi i recuisîts domandâts, la Zonte Comunâl e assegnarà un contribût:
- pai fantats une vore meritevui, di € 450,00


I interessâts, par podê acedi al contribût in ogjet, a varan di presentâ domande doprant il model zontât, che al sarà disponibil ancje li dal Ufici Dal Servizi Istruzion e Culture dal Comun di Tavagnà, Sede Municipâl di Felet - Place Indipendence 1 (prin plan, stanzie n. 30).

La domande e varà di rivâ al Comun dentri dal 15 di Otubar dal 2015, scrite par dut e zontant copie de documentazion de spese paiade (fature comerciâl cu la liste dai libris comprâts; atestazion di paiament par riscat eventuâl dai tescj in comodât) e copie dal document di identitât valit.
Aes assegnazions si proviodarà cun at prontât di pueste de Zonte Comunâl intai limits dai stanziaments di Belanç.
Par altris informazions si podarà domandâ tal Ufici dal Servizi Istruzion e Culture, li de Sede Comunâl – Place Indipendence, 1 – Felet (prin plan, stanzie n. 30) (Tel. 0432.577326) intai oraris ripuartâts chi sot.

Orario di apertura:
Lunedì Martedì Mercoledì Giovedì Venerdì Sabato
mattino --:-- --:-- 09:00 09:00 09:00 --:--
--:-- --:-- 12:30 12:30 12:30 --:--
pomeriggio 15:00 --:-- 15:00 --:-- --:-- --:--
17:30 --:-- 17:30 --:-- --:-- --:--

Ufficio di competenza