zoom
Comun di Tavagna

Piazza Indipendenza 1 - 33010 Feletto Umb. - tel: 0432/577311 - 0432/1698911 - fax: 0432/570196

Va ai contignûts. | Spostiti su la navigazion

Imprescj personâls

Intervents a pro de famee

— filed under:

ASSEGN DI MATERNITÂT

ASSEGN PAR NUCLI CUN ALMANCUL TRÊ FÎS MINÔRS

CJARTE FAMEE

ASSEGN DI NATALITÂT REGJONÂL (bonus bebè)

ASÎL NÎT COMUNÂL “BRUCO NIDO”


  • ASSEGN DI MATERNITÂT – Art. 66 L. 448/1998 e s.m.i.

L'assegn al ven dat pal avigniment de maternitât o adozion, aes maris residentis, citadinis talianis o comunitariis o in possès de cjarte di permanence (art. 9 D.Lgjs. 286/1998), che no àn gjoldût dal tratament previdenziâl di maternitât pe astension obligatorie a caric dal INPS o di altri ent previdenziâl.

La domande e va puartade al Comun di residence, dentri di sîs mês de date dal part o de date che il minôr al è stât ricevût in afidament preadotîf o in adozion cence afidament.

  • ASSEGN DI MATERNITÂT – Art. 49 L. 488/1999

L'assegn al è indreçât aes feminis, citadinis talianis o comunitariis, o in possès di cjarte di permanence (art. 9 D.Lgjs. 286/1998), in chescj câs:

-          dimission volontarie dal lavôr vie pe gravidance e cun almancul trê mês di contribuzion intal periodi fra i disevot e i nûf mês prin de nassite dal frut (o il so inseriment in famee, intal câs di adozion o afidament);

-          prin e vedi vût dirit a une prestazion dal INPS (par esempli malatie o disocupazion) par vê lavorât almancul trê mês, baste che nol sedi za passât un determinât periodi di timp, diferent daûr dai câs in cuistion, ma dut câs mai superiôr ai nûf mês.

La domande e va presentade al INPS competent par teritori, dulà indreçâsi par altris informazions in merit.

INPS di Udin: Vie Savorgnana n. 37 - Tel. 0432/596111 - sît internet: www.inps.it

  • ASSEGN PAR NUCLIS CUN ALMANCUL TRÊ FÎS MINÔRS – Art. 65 L. 448/1998 e s.m.i.  

L'assegn al è dât ai nuclis familiârs di citadins talians o comunitaris residents, cun almancul trê fîs di etât plui basse dai 18 agns.

La domande e va presentade al Comun di residence, dentri dai 31 di Zenâr dal an dopo di chel che al ven domandât il benefici.


  • CJARTE FAMEE

La Cjarte Famee e je un imprest par judâ lis fameis cun fîs a caric.

I recuisîts par podê acedi al benefici a son chescj:

-          a caric in maniere fiscâl almancul un fi;

-          la residence di almancul un dai gjenitôrs tal teritori regjonâl di almancul 24 mês adun a un di chescj recuisîts: jessi citadin talian, jessi citadin di Stâts che a partegnin ae Union europeane e cun permanence regolâr in Italie, jessi titulâr di permès di permanence CE par chei di lunc periodi, jessi titulâr di status di rifugjât e di status di protezion sussidiarie, jessi forest come previodût tal art. 41 dal decret legjislatîf dai 25 di Lui dal 1998, n. 286, baste che residents tal teritori nazionâl di plui di cinc agns;

-          vê un valôr I.S.E.E. dal nucli familiâr no plui alt di € 30.000,00.

La gradazion de intensitât dai beneficis e je ripartide in trê fassis di intensitât dal benefici (basse, medie, alte) che a determinin percentuâls diferentis di scont sui bens o servizis individuâts.

Cjarte famee e pues jessi domandade al Comun di residence vie pal an e e scjât trente dîs dopo de scjadince de atestazion I.S.E.E. presentade in fase di domande.

 

  • ASSEGN DI NATALITÂT REGJONÂL (bonus bebè)

 L'assegn al ven dât "una tantum" in ocasion de nassite o adozion di un frut minôr di etât.

I recuisîts par acedi al assegn di natalitât regjonâl a son chescj:

1) il minôr al à di jessi resident in Friûl Vignesie Julie al moment de presentazion de domande

2) il nucli familiâr al à di vê un ISEE no plui alt di 30.000,00 euros

3) almancul un dai gjenitôrs al à di jessi resident in Friûl Vignesie Julie di almancul 24 mês e al à di partignî a une di chestis categoriis: jessi citadin talian, jessi citadin di Stâts che a partegnin ae Union europeane e cun permanence regolâr in Italie, jessi titulâr di permès di permanence CE par chei di lunc periodi, jessi titulâr di status di rifugjât e di status di protezion sussidiarie, jessi forest come previodût tal art. 41 dal decret legjislatîf dai 25 di Lui dal 1998, n. 286, baste che residents tal teritori nazionâl di plui di cinc agns.

Il benefici al va domandât intal tiermin perentori di novante dîs de date di nassite o adozion dal fi che si domande l'assegn.

 

  • ASÎL NÎT COMUNÂL “BRUCO NIDO"

L'asîl nît comunâl di Vie Battisti a Culugne, al ten in dut 32 fruts di etât tra i trê mês e i trê agns. Il servizi al è viert dal lunis al vinars des 7.30 aes 16.30, cun polse intal mês di Avost, dilunc des feriis nadalinis/pascâi e lis fiestis comandadis.

La amission e compuarte il paiament di une rete variabile mensîl su la base dal orari di frecuence sielt e dal valôr de atestazion I.S.E.E. dal nucli familiâr.

La domande di amission e va presentade li dal Ufici Aministratîf dai Servizis Sociâi dal Comun.

Incargât: Annarita Beltrame - Chantal Mazzacco

Telefon: 0432 577369 - 0432 577396

Fax: 0432 570196

Pueste Eletroniche: sociale@comune.tavagnacco.ud.it

Orario di apertura:
Lunedì Martedì Mercoledì Giovedì Venerdì Sabato
mattino 10:00 --:-- 10:00 10:00 09:00 --:--
12:00 --:-- 12:00 13:00 12:00 --:--
pomeriggio --:-- --:-- 15:30 --:-- --:-- --:--
--:-- --:-- 17:30 --:-- --:-- --:--

Ufficio di competenza