zoom
Comun di Tavagna

Piazza Indipendenza 1 - 33010 Feletto Umb. - tel: 0432/577311 - 0432/1698911 - fax: 0432/570196

Va ai contignûts. | Spostiti su la navigazion

Imprescj personâls

Contribûts pe eliminazion des barieris architetonichis

— filed under: , ,

Cun regolament fat bon cun decret dal President de Regjon n. 0271/Pres. dai 23 di Otubar dal 2012, in atuazion dal art. 16 de Leç regjonâl n. 41 dai 25 di Setembar dal 1996, la Aministrazion regjonâl e da ai Comuns de regjon contribûts par judâ la eliminazion des barieris architetonichis tes abitazions civîls li che a son residentis personis cun menomazions o limitazions funzionâls permanentis, cjapant dentri ancje la vuarbetât, o ben chê che a integnin ae deambulazion e ae mobilitât.

Destinataris

Lis personis cun disabilitât motorie e sensoriâl di nature permanente, che a cjatin intops, impediments o limitazions a doprâ, in condizions di sigurece e di autonomie adeguadis, l'edifici privât e sôs parts comuns li che a àn o che a intindin puartâ la lôr residence anagrafiche.

Ogjet

A son ametûts a contribût i intervents di superament e di abatiment des barieris architetonichis che a rivuardin edificis esistents ae date dai 11 di Avost dal 1989 e a son finalizâts a garantî, in relazion ae dibisugnis efetivis leadis ae patologjie de persone cun disabilitât, la accessibilitât dal edifici e de unitât imobiliâr.

Pai edificis fats sù o tornâts a meti a puest dal dut su la fonde di un progjet autorizât dop dai 11 di Avost dal 1989, a son ametûts a contribût dome i intervents di adatabilitât daûr l'art. 2 come 1, letare i) dal decret dal Ministri pai Lavôrs Publics n. 236 dai 14 di Jugn dal 1989. E ven lassade fûr la concession di contribûts pe realizazion di oparis za obligatoris daûr la leç n. 13 dai 9 di Zenâr dal 1989 e dal decret dal Ministri pai Lavôrs Publics 236/1989.

Spesis amissibilis

A son ametudis a contribût lis spesis pe realizazion dai intervents indicâts tal art. 5 dal regolament. La spese amissibile a contrib☼0t no pues, dut câs, jessi plui alte dal limit di € 50.000,00.

Modalitât pe presentazion de domande

Lis domandis a vegnin presentadis de persone cun disabilitât o ben di chei che a àn la potestât, la tutele, la curatele, o ben la aministrazion di poie e a integnin ae abitazion privade e aes parts comuns dal edifici li che chescj a àn, o a intindin cjapâ, la lôr residence anagrafiche (par tant no saltuarie o stagjonâl).

La domande, scrite daûr il model A e in regule cu la impueste di bok, e je presentade dentri dai 31 di dicembar di ogni an, tal Comun li che si cjate l'edifici o la singule unitât imobiliâr ogjet dal intervent. La domande e ven zontade, a pene di inamissibilitât, di cheste documentazion:

a) descrizion di cemût che a stan lis robis e des oparis di realizâ cun cuantificazion de spese previodude, scrite e firmade secont il model B;
b) declarazion sostitutive dal at di notorietât scrite secont il model C;
c) copie de certificazion di invaliditât e dal certificât dal miedi;
d) autorizazion dal proprietari ae realizazion dai intervents, tal câs di imobil in locazion;
e) autorizazion condominiâl ae esecuzion des oparis tal câs che i intervents a rivuardin oparis no removibilis di meti tes parts comuns dal edifici;
f) consens dai condomins, tal câs che a partecipin ae division des spesis pe realizazion di oparis a ûs condominiâl;

Se i intervents di eliminazion o superament des barieris architetonichis a son finalizâts a garantî sedi la acessibilitât esterne e des parts comuns internis al edifici che la acessibilitât interne ae singule unitât imobiliâr a ûs abitatîf, e va presentade une domande di contribût ugnule zontade di dôs relazions di cuantificazion de spese

Se i intervents di eliminazion o superament des barieris architetonichis a son la realizazion di oparis di ûs condominiâl intun edifici li che a àn la residence o a intindin puartâle, in unitâts imobiliârs diferentis, plui personis cun disabilitât, ognidune di lôr e pues presentâ domande di contribût pe part di spese di sô competence.

I sogjets che a fasin domande a puedin lâ indevant cu la realizazion dai intervents ogjet de domande dome dopo la presentazion de domande stesse. Nol pues jessi fat valê nissun dirit tal câs nol vegni dât il contribût par vie che i fonts no son sufficients o ben par vê presentât la documentazion no conforme o pe realizazion di intervents diferents di chei indicâts tal regolament.

Formazion de graduatorie

 

 

Incargât: Annarita Beltrame

Telefon: 0432 577369

Fax: 0432 570196

Pueste Eletroniche: sociale@comune.tavagnacco.ud.it

Orario di apertura:
Lunedì Martedì Mercoledì Giovedì Venerdì Sabato
mattino 10:00 10:00 10:00 10:00 10:00 --:--
12:00 12:00 12:00 12:00 12:00 --:--
pomeriggio --:-- --:-- --:-- --:-- --:-- --:--
--:-- --:-- --:-- --:-- --:-- --:--

Ufficio di competenza