zoom
Comun di Tavagna

Piazza Indipendenza 1 - 33010 Feletto Umb. - tel: 0432/577311 - 0432/1698911 - fax: 0432/570196

Va ai contignûts. | Spostiti su la navigazion

Imprescj personâls

contribût a pro de famee

ASSEGN DI MATERNITÂT – Art. 66 L. 448/1998 e s.m.i.

L'assegn al ven dât pal avigniment de maternitât o adozion, aes maris residentis, citadinis talianis o comunitariis, o in possès de cjarte di permanence (art. 9 D.Lgjs. n. 286/1998), che no vedin gjoldût dal tratament previdenziâl di maternitât pe astension obligatorie a caric dal INPS o di altri ent previdenziâl.

Pal an 2009 il valôr dal indicadôr de situazion economiche (ISE) cun riferiment a nuclis familiârs di trê components al è di € 32.222,66. Pai nuclis familiârs cun divierse composizion chest recuisît economic al ven calibrât su la base de scjale di ecuivalence previodude dal D.Lgs. 109/1998.

L'assegn, se al tocje par intîr, al è di € 309,11 mensîi, par cinc mês.

La domande e va fate al Comun di residence, dentri di sîs mês de date dal part o de date là che il minôr al è stât ricevût in afidament preadotîf o in adozion cence afidament.



ASSEGN DI MATERNITÂT DÂT FÛR DAL INPS – Art. 49 L. 488/1999


L'assegn al è indreçât aes feminis, citadinis talianis o comunitariis, o in possès di cjarte di permanence (art. 9 D.Lgjs. 286/1998), in chescj câs:

  • dimission volontarie dal lavôr vie pe gravidance e vê almancul trê mês di contribuzion intal periodi fra i disevot e i nûf mês prime de nassite dal frut (o il so inseriment in famee, intal câs di adozion o afidament);
  • e vedi vût dirit, tal periodi prin, a une prestazion dal INPS (par esempli malatie o disocupazion) par vê lavorât almancul trê mês, baste che nol sedi za passât un determinât periodi di timp, diviers daûr lis tipologjiis, e dut câs mai plui di nûf mês.


La domande e va presentade al INPS competent par teritori, indulà indreçâsi par altris informazions in merit.

INPS DI UDIN: Vie Savorgnana, 37 - Tel. 0432/596111 - Sît internet www.inps.it

ASSEGN PAR NUCLIS CUN ALMANCUL TRÊ MINÔRS – Art. 65 L. 448/1998 e s.m.i.

L'assegn al ven dât ai nuclis familiârs di citadins residents, talians o comunitaris, cun almancul trê fîs di etât plui basse dai 18 agns.

Pal an 2009 il valôr dal indicadôr de situazion economiche (ISE), cun riferiment a nuclis familiârs di cinc components al è di € 23.200,30. Pai nuclis familiârs cun divierse composizion il recuisît economic al ven calibrât su la base de scjale di ecuivalence previodude dal D.Lgjs. 109/1998.

L'assegn, se al tocje par intîr, al è di € 128,89 mensîi par tredis mês.

La domande e va presentade al Comun di residence, dentri dai 31 di Zenâr dal an dopo che al ven domandât il benefici.

Incargât: Sig.ra Annarita Beltrame

Telefon: 0432/577369

Orario di apertura:

Ufficio di competenza