zoom
Comun di Tavagna

Piazza Indipendenza 1 - 33010 Feletto Umb. - tel: 0432/577311 - 0432/1698911 - fax: 0432/570196

Va ai contignûts. | Spostiti su la navigazion

Imprescj personâls

Denunziâ la nassite di un fi

— filed under:

Descrizion dai tiermins e de documentazion necessarie

Denunzie di nassite di un FI LEGJITIM (gjenitôrs maridâts)



La denunzie di nassite e pues jessi fate di un dai doi gjenitôrs coniugâts, di un procuradôr speciâl (munît di at notarîl), di un miedi o di une ostetriche che e à assistût al part:

·        dentri di trê dîs li de Direzion Sanitarie dal Ospedâl o de Cjase di Cure;

·        dentri di dîs dîs denant dal uficiâl dal Stât Civîl dal Comun là che al è sucedût il part

·        dentri di dîs dîs denant dal uficiâl dal Stât Civîl dal Comun di residence de mari (almancul che i gjenitôrs no vedin un acuardi diferent, su la base dal cuâl il pari al pues declarâ la nassite intal comun di proprie residence. In chest câs la iscrizion anagrafiche dal frut e sarà dut câs fate intal Comun de mari, secont ce che al jere fissât dal art. 7 let. A) DPR 223/1989).



Denunzie di nassite di un FI NATURÂL (gjenitôrs NO maridâts)



La denunzie di nassite e compuarte il ricognossiment, che al pues jessi fat di gjenitôrs che a vedin fat almancul 16 agns e che intai lôr rivuarts no esistin impediments di leç, daûr chestis modalitâts:

·        dal pari, se dome lui al vûl ricognossi il fi

·        de mari, se dome jê e vûl ricognossi il fi

·        dal pari e de mari insieme, se a vuelin ricognossi ducj i doi il fi.



I tiermins pe denunzie a son compagns a chei dai fîs legjitims, o sedi:

·        dentri di trê dîs li de Direzion Sanitarie dal Ospedâl o de Cjase di Cure;

·        dentri di dîs dîs denant dal uficiâl dal Stât Civîl dal Comun là che al è sucedût il part

·        dentri di dîs dîs denant dal uficiâl dal Stât Civîl dal Comun di residence de mari (almancul che i gjenitôrs no vedin un acuardi diferent, su la base dal cuâl il pari al pues declarâ la nassite intal comun di proprie residence. In chest câs la iscrizion anagrafiche dal frut e sarà dut câs fate intal Comun de mari, secont ce che al jere fissât dal art. 7 let. A) DPR 223/1989).



Se la declarazion di nassite di fîs legjitims/naturâi e je fate dopo plui di dîs dîs de nassite, ' Uficiâl di Stât Civîl al pues acetâle, a cundizion che a vegnin segnadis di pueste lis resons dal intart. Di chest intart al ven in ogni câs dade segnalazion al Procuradôr de Republiche.



AL è improibît ai sens dal art. 34 dal DPR 396/2000 imponi al frut il stes non dal pari vivent, di un fradi, di une sûr e nons e cognons ridicui, vergognôs o contraris al ordin public.

CEMÛT




Intal câs di nassite sucedude in ospedâl, no covente nissune formalitât.

Intal câs di denunzie li dal Comun di residence de mari e covente invezit presentâsi li dal ufici di Stât Civîl dal Comun stes.

Documents di produsi al sportel




·        atestazion di nassite dade de ostetriche o dal miedi che al à assistût il part o sedi constatazion di part za sucedût

·        document valit di ricognossiment dai/di chel/chei che al declare

·        passepuart di ducj i doi i gjenitôrs (se no cognossin la lenghe taliane salacor a àn di jessi acompagnâts di un tradutôr) [pai gjenitôrs forescj no titolârs di cjarte di identitât]

·        documentazion li che al risulti il stât civîl dai gjenitôrs (par esempli il certificât di matrimoni) e compagnâts di un tradutôr se no cognossin la lenghe [dome pai gjenitôrs forescj se coniugâts]

Nassûts tal forest




l'Ufici al stâ daûr aes trascrizion dai ats di nassite sucedudis tal forest su domande dai Consolâts Talians o des parts interessadis, dopo aciertament des carateristichis e verifiche des pratichis stessis (traduzion e legalizazion dulà che necessarie), miôr se daûr apontament clamant il n. 0432/577320.

Adozions




Completât l'iter de bande dal Tribunâl pai Minôrs, si copiin lis sentencis di adozion nazionâ e internazionâl, su domande dal stes o dai gjenitôrs adotîfs residents, dopo verifiche des pratichis, miôr se daûr apontament clamant il n. 0432/577320.

L'at di adozion al ven copiât dopo de comunicazion de bande dal Tribunâl dai Minôrs o dal tribunâl Ordenari.


Il decret di adozion al è copiât intai regjistris dal Stât Civîl dal Comun di residence dai gjenitôrs dal minôr o dal interessât.

Responsabil: Dott. Pierantonio Marcato

Incargât: sig.ra Alessia Baiutti; sig.ra Rosanna Palma, dott. Matteo Tosolini, d.ssa Marta Mastronardi, d.ssa Laura Tudorov

Telefon: 0432/577320 - 313 - 316 - 318 - 319

Fax: 0432/577383 - 570196

Pueste Eletroniche: anagrafe@comune.tavagnacco.ud.it

Ufficio di competenza