zoom
Comun di Tavagna

Piazza Indipendenza 1 - 33010 Feletto Umb. - tel: 0432/577311 - 0432/1698911 - fax: 0432/570196

Va ai contignûts. | Spostiti su la navigazion

Imprescj personâls

Iscrizions anagrafichis di altris comuns o dal Forest - Citadins forescj no comunitaris

Par domandâ la iscrizion anagrafiche rivant di un altri Comun o dal forest al covente che un componente di maiôr etât de famee si presenti li dal Ufici Anagrafe par fâ la declarazion di pueste, mostrant tal moment de domande chescj documents:

  • Passepuart di ducj i components de famee
  • Permès di permanence par ducj i components de famee
  • Tessare dal codiç fiscâl
  • Cjarte di identitât (tal câs che le si vedi za)

Cun di plui, tal câs di prime iscrizion dal Forest ogni citadin forest al varà di mostrâ:

  • Certificât di nassite dât fûr de autoritât competente dal paîs di divignince, adun cu la sô traduzion in lenghe taliane autenticade de autoritât consolâr taliane tal paîs di divignince;
  • Pes personis maridadis: certificât di matrimoni dât fûr de autoritât competente dal paîs di divignince, adun cu la sô traduzion in lenghe taliane autenticade de autoritât consolâr taliane tal paîs di divignince;

Tal câs che chestis ultimis certificazions a sedin za stadi mandadis timp indaûr a altris aministrazions publichis, il citadin forest al varà di dî cun precision la autoritât che e ten ai ats la documentazion, par permeti al Ufici Anagrafe - li che al è pussibil- di acuisîle di ufici.

Tal moment de declarazion di variazion di residence bisugne disi al Ufici la direzion dal gnûf lozament, disint cun precision la direzion di pueste, il numar civic, il plan, l'interni, la scjale.

Par otignî la variazion di residence bisugne che lis personis interessadis de variazion a vedin za cjapât dimore abituâl in mût stabil te gnove direzion di cjase.

Tal câs che i citadins forescj a vedin la patent di vuide taliane o a sedin intestataris di veicui cun targhe taliane a varan di fâ domande di inzornament doprant il "Modul di inzornament patent e libret di circolazion".

Cun di plui, tal câs che i citadins forescj a vedin za vût timp indaûr la  tessare pe benzine o pal gasoli agjevolâts a varan di proviodi, dopo de domande di residence, di inzornâ la tessare. Chest adempiment al à di jessi fat dentri dai 15 dîs seguitîfs al domande di residence.

IMPUARTANT: prin di vê fat chest inzornament la tessare no varà di jessi doprade pal rifurniment, pene lis sanzions de Cjamare di Cumierç che a rivaran in mût automatic.

Par procurâsi la tessare inzornade bisugne domandâle ai ufici de Cjamare di Cumierç di Udin, puartant il "Modul par comunicâ variazions anagrafichis o altris ae Cjamare di Cumierç".

 

Ufficio di competenza