zoom
Comun di Tavagna

Piazza Indipendenza 1 - 33010 Feletto Umb. - tel: 0432/577311 - 0432/1698911 - fax: 0432/570196

Va ai contignûts. | Spostiti su la navigazion

Imprescj personâls

Ce fâ par vê la cjarte di identitât

Cheste sezion e judarà a cjatâ lis informazions necessariis par otignî la cjarte di identitât o un duplicât in câs di pierdite, robarie o degrât de stesse.

AVERTENCE IMPUARTANTE


CJATÂTS DISCOMUTS PAR LÂ TAL FOREST CU LA CJARTE DI IDENTITÂT SPROLUNGJADE CUN APOSIZION DAL TIMBRI:


Il Ministeri dal Interni, cun Circolâr n. 23 dai 28/07/2010, al à comunicât che a son stâts segnalâts discomuts provocâts dal mancjât ricognossiment, de bande des Autoritâts di frontiere di un numar significatîf di Paîs forescj, dal document di identitât sprolungjât cu la modalitât dite parsore.

Par chest motîf, a domande dal citadin che al vûl puartâsi tal forest - daûr corispetîf dal cost de cjarte e dal dirit di segretarie - al podarà jessi dât un gnûf document di identitât, dopo ritîr di chel in possès dal interessât.

LA CJARTE DI IDENTITÂT

La cjarte di identitât e je dade ai citadins di etât superiôr ai 15 agns, e à validitât di dîs agns di cuant che e ven dade e e ecuivâl al passepuart pai fins dal espatri intai Stâts membris de Union Europeane e in chei là che a son in vore particolâr acuardis internazionâi.

Par une liste inzornade dai paîs pai cuâi e baste la cjarte di identitât, si consee la consultazion dal sît Viazâ Sigûrs, par cure dal Ministeri dai Afârs Forescj e de ACI: http://www.viaggiaresicuri.it o dal sît http://www.poliziadistato.it

MODALITÂT PAR DÂLE FÛR

I citadins residents a Tavagnà a àn di presentâsi in maniere personâl li dal Ufici Anagrafe munîts di un  document valit di identitât (patente, passepuart, e v.i.).
In câs ecezionâi, la cjarte di identitât e pues ancje jessi dade a personis no residentis daûr  domande motivade.  In chest câs i timps di consegne a dipendin dal periodi necessari par vê il nuie-cuintri de bande dal Comun di residence.

TALIANS RESIDENTS TAL FOREST

I citadins talians residents tal forest e iscrits ae Aire (Anagrafe Taliane Residents tal Forest) a àn di lâ di persone li dal Ufici Anagrafe o li dal Consolât talian di partignince intal stât forest di residence.

CITADINS TALIANS


DOCUMENTAZION NECESSARIE

Par vê la cjarte di identitât valide pai fins dal espatri di un citadin talian (che al à za fat i disevot agns) a coventin:

  • 3 fotografiis resintis formât tessare, a cjâf scuviert;
  • un document di ricognossiment valit o, in mancjance di chest, la presince di doi testemonis, munîts di document valit di ricognossiment.


Par vê la cjarte di identitât valide pai fins dal espatri di un citadin talian interdet a coventin:

  • 3 fotografiis resintis formât tessare, a cjâf scuviert;
  • compilazion de bande dal tutôr o dal curadôr li dal Ufici Anagrafe dal model par concedi l'assintiment al espatri pal interdet.

Par vê la cjarte di identitât valide pai fins dal espatri di un citadin talian minôr che al vedi fat i 15 agns di etât a coventin:

  • 3 fotografiis resintis formât tessare, a cjâf scuviert;
  • La presince dal minôr e di ducj i doi i gjenitôrs cuntun document valit di identitât li dal Ufici Anagrafe par concedi l'assintiment al espatri pal fi.


CITADINS FORESCJ

DOCUMENTAZION NECESSARIE


I citadins forescj residents a Tavagnà a puedin otignî une cjarte di identitât che e à dome valôr di document di ricognossiment e nol costituìs titul pal espatri.
Nol è previodût di dâ fûr la cjarte di identitât ai citadins forescj no residents in Italie.

Par vê la cjarte di identitât no valide pai fins dal espatri di citadins forescj comunitaris U.E. a coventin

  • 3 fotografiis resintis formât tessare, a cjâf scuviert;
  • un document di ricognossiment valit o, in mancjance di chest, la presince di doi testemonis, munîts di document valit di ricognossiment.

Par vê la cjarte di identitât no valide pai fins dal espatri di citadins forescj extra comunitaris a coventin

  • 3 fotografiis resintis formât tessare, a cjâf scuviert;
  • permès di permanence o cjarte di permanence in cors di validitât;
  • passepuart valit o altri document di ricognossiment valit.


RINOVAMENT


Al pues jessi domandât a decori dal 180° dì di prime de scjadince.

Al è necessari presentâsi al banc de Anagrafe cu la cjarte di identitât scjadude o in scjadince e i stes documents necessaris par otignîle la prime volte.

PIERDITE O ROBARIE

Al covente presentâsi al banc cu la documentazion seguitive:

  • trê fotografiis resintis, compagnis formât tessare;
  • l'origjinâl, plui une fotocopie, de denunzie di pierdite o robarie fate ae autoritât di sigurece publiche (Carabinîrs o Polizie);
  • altri document di ricognossiment valit (in mancjance e covente la presince di doi testemonis cun document di identitât valit).


DEGRÂT


Al è necessari presentâsi al banc cui documents seguitîfs:

  • trê fotografiis resintis, compagnis formât tessare;
  • il document deteriorât;
  • altri document di ricognossiment valit (in mancjance e covente la presince di doi testemonis cun document di identitât valit).


SERVIZI A DOMICILI PAR PERSONIS NO DEAMBULANTI

Il citadin che par motîfs grâfs nol à la pussibilitât a presentâsi in maniere personâl al banc al pues domandâ il servizi a domicili dopo presentazion de certificazion mediche che e ateste che il sogjet al è improibît a movisi. Par apontaments clamâ l'Ufici Anagrafe al numar:0432/577316.

COSCJ

La cjarte di identitât e je subiete di un dirit fis di € 5,16.

Intal câs di domande di un duplicât il cost al è di € 10,32.
In ducj i doi i câs a saran domandâts cun di plui ancje € 0,26 par dirits di segretarie.

AVERTENCE:

Consulte lis prescrizions detadis dal Ministeri dal Interni su la tipologjie des fotografiis ritignudis buinis pal passepuart e pe cjarte di identitât (frache CHI).


CERTIFICÂT PAL ESPATRI DOPRÂT PAI MINÔRS DI 15 AGNS:

Ancje i minôrs di 15 agns a puedin vê un lôr document di ricognossiment valit intal ambit de Comunitât Europeane.

Par otignîlu a coventin:
· n. 2 fotografiis formât tessare.
· at di assintiment al espatri de bande di ducj i doi i gjenitôrs, di sotscrivi li dal Ufici Anagrafe in presince dal dipendent assegnât.
La istance, furnide de fotocopie de cjarte di identitât di ducj i doi i gjenitôrs, e ven mandade par cure dal Ufici Anagrafe ae Cuesture di Udin par che al sedi aplicât il timbri di validitât pal espatri.

I gjenitôrs a puedin ancje consegnâ in maniere personâl ae Cuesture di Udin la documentazion necessarie.

Il document dât al varà durade di 12 mês.

Circolâr dal Ministeri dal Interni n. 16 dai 31/05/2010.

Normativa: Decret Reâl 18.6.31, n. 773 - Aprovazion dal T.U. des leçs di sigurece publiche, Decret Reâl 6.5.40, n. 635 - Aprovazion dal regolament pe esecuzion dal T.U. 19.6.31, n. 773 des Leçs di sigurece publiche Decret dal President de Republiche 30.12.65, n. 1656: Normis su la circolazion e permanence dai citadins dai Stâts membris de CEE Leç 21.11.67, n. 1185: Normis sui passepuarts Decret dal President de Republiche 6.8.74, n. 649: Dissipline dal ûs de cjarte di identitât e di chei altris documents compagns al passepuart pai fins dal espatri Decret dal President dal Consei dai Ministris ai 22 di Otubar dal 1999, n. 437 “Regolament che al puarte carateristichis e modalitâts par vê la cjarte di identitât eletroniche e il document di identitât eletronic, a norme dal articul 2, come 10, de leç ai 15 di Mai dal 1997, n. 127, cemût cambiât dal articul 2, come 4, de leç ai 16 di Jugn dal 1998, n. 191.” D.P.R. 28.12.2000 n. 445:"Test unic des disposizions legjislativis e regolamentârs in materie di documentazion aministrative" Decret Leç n. N. 112 dai 25 di Jugn dal 2008 Leç n. 133 dal 06/08/2008

Responsabil: Dott. Pierantonio Marcato

Incargât: Ufficiali d'anagrafe

Telefon: 0432/577311

Fax: 0432/570196 - 577383

Pueste Eletroniche: anagrafe@comune.tavagnacco.ud.it

Orario di apertura:
Lunedì Martedì Mercoledì Giovedì Venerdì Sabato
mattino 10:00 --:-- 10:00 --:-- 09:00 --:--
12:00 --:-- 12:00 --:-- 12:00 --:--
pomeriggio --:-- --:-- 15:30 --:-- --:-- --:--
--:-- --:-- 17:30 --:-- --:-- --:--

Ufficio di competenza