zoom
Comun di Tavagna

Piazza Indipendenza 1 - 33010 Feletto Umb. - tel: 0432/577311 - 0432/1698911 - fax: 0432/570196

Va ai contignûts. | Spostiti su la navigazion

Imprescj personâls

Anagrafe e citadins forescj

Descrizion dai adempiments principâi pai citadins forescj extra U.E. necessaris par otignî la iscrizion te Anagrafe de popolazion residente.

La iscrizion te anagrafe dai residents e je un proviodiment che cun chel il sindic o il so delegât al acierte la tô dimore abituâl intal ambit dal teritori comunâl.

1. Cemût che tu puedis notâti


Par podêti iscrivi ae anagrafe tu âs di jessi un component maiôr di etât de famee. Tu âs di lâ in maniere personâl li dal ufici anagrafe dal Comun là che tu âs la tô abitazion dulà che ti vignarà dât un modul di jemplâ e sotscrivi.
Ae anagrafe tu âs di declarâ ancje la residence di eventuâi fîs minôrs
Ae presentazion de domande tu varâs di jessi in possès di:
- permès di permanence di validitât superiôr a 3 mês;
- passepuart in cors di validitât o document similâr;
- codiç fiscâl
- documents relatîfs al stât civîl che no si rivin a desumi dal passepuart (nassite, matrimoni, divorzi, rapuarts di parintât, e v.i.).

Chescj documents a àn di jessi in alternative:
- origjinâi dâts des autoritâts competentis dal Stât là che si è verificât l'event, voltâts par talian e legalizâts;
- origjinâi dâts des autoritâts consolârs dal to Paîs di origjin cun firme legalizade de prefeture competente.

Se tu sês resident intune struture di acet o intune comunitât, e covente une declarazion di residence sotscrite dal responsabil de struture.
La regjistrazion in anagrafe des domandis di iscrizion e ven fate dome dopo che l'uficiâl di anagrafe, par mieç de Polizie Municipâl, al varà aciertât che tu (e la tô famee se le domanda e je fate ancje par lôr), tu vivis in efiets inte abitazion indicade.

In câs di risultât positîf dal aciertament, la date di decorence de residence e sarà chê di cuant che tu âs presentât la domande al banc dal Ufici Anagrafe dal Comun.



2. Al è impuartant savê che:


La iscrizion ae anagrafe e je essenziâl par tancj adempiments aministratîfs, tant che otignî la patente di vuide e la iscrizion al Servizi Sanitari Nazionâl.
Ducj i dâts anagrafics (non e cognon, lûc e dade di nassite, citadinance) contignûts intal passepuart e intal permès di permanence a àn di jessi compagns in dut e par dut.
Lis iscrizions, variazions o cancelazions anagrafichis a son comunicadis di ufici ae Cuesture competente par teritori.
Se no tu sês iscrit ae anagrafe, tu âs di comunicâ eventuâls variazions di domicili ae Cuesture  competente par teritori dentri di 15 dîs.
Dentri di 60 dîs dal rinovament dal permès di permanence, tu âs l'oblic di tornâ dal uficiâl de anagrafe dal Comun pe declarazion di cjase abituâl, zontant la copie dal gnûf permès di permanence. In câs contrari tu podarâs jessi cancelât des listis de popolazion residente intal Comun.


3. Cose fâ par cambiâ residence:

Se tu vuelis trasferîti intun altri Comun tu âs di presentâ, dentri di 20 dîs dal trasferiment efetîf, istance al Comun li che tu intindis trasferiti.
Tal moment de presentazion di cheste istance, tu varâs di presentâ:
- un to document di identitât personâl in cors di validitât;
- il permès di permanence o la ricevude de domande di rinovament dal permès scjadût;
- patente di vuide taliane e/o di cjartis di circolazion dai mieçs possedûts (se possedûts).

Se la domande e rivuarde ancje il to nucli familiâr, tu varâs di segnâ lis gjeneralitâts di ducj i components. Inte istance tu varâs di segnâ lis tôs gjeneralitâts e la direzion là che tu vuelis fissâ la gnove dimore abituâl. Se tu larâs a stâ li di altri nucli familiâr, al coventarà il consens dal intestatari dal certificât di "stât di famee" di chel nucli.



4. Ce fâ par cambiâ direzion:


Se tu vuelis cambiâ direzion dentri dal stes Comun là che tu sês za a stâ tu âs di presentâ domande tal ufici anagrafe dal to Comun di residence presentant un document valit di identitât (passepuart o cjarte di identitât), permès valit di permanence (di dutis lis personis che a cambiin direzion), patente di vuide taliane e/o di cjartis di circolazion dai mieçs possedûts (se possedûts).



5. Cancelazion de anagrafe:

Visiti che tu vignarâs cancelât dai regjistris de Anagrafe dal Comun di dimore abituâl o di residence:
- par trasferiment de residence in altri Comun o tal forest;
- par ireperibilitât aciertade dopo des risultancis des operazions dal censiment gjenerâl de popolazion, o cuant che dopo di ripetûts aciertaments tu sês risultât ireperibil;
- par efiet dal mancjât rinovament de declarazion di dimore abituâl, se a son passâts SÎS MÊS de scjadince dal permès di permanence e no tu âs pensât di tornâ a fâ domande di rinovament (art. 11, co. 1, letare c) dal D.P.R. n. 223/1989  come che al è stât cambiât dal art. 1, co. 28 de Leç n. 94 dal 15/07/2009 - c.d. "pachet sigurece"). In chest ultin câs tu vignarâs dut câs visât in maniere preventive e invidât a proviodi intai sucessîfs 30 dîs.



6. Cjarte di identitât:

Par vê la cjarte di identitât tu âs di indreçâti ai Uficis Anagrafe presentant:
• n. 3 fotografiis compagnis e resintis;
• passepuart valit;
• permès valit di permanence  o domande di rinovament dal permès scjadût.

Visiti che la cjarte di identitât:
• no je calcolade tant che document bon pal espatri e nancje no legjitime la permanence dal forest in Italie in mancjance o ae scjadince dal permès di permanence.

NORMATIVE DI RIFERIMENT

D.P.R. n. 223/1989: gnûf regolament anagrafic de popolazion residente (.pdf 40 kb) 

D. Lgjs. n. 30/2007: dirit dai citadins de Union Europeane e dai lôr familiârs di zirâ e di sogjornâ liberamenri tal teritori dai stâts membris(.pdf 73 kb)

D.P.R. n. 394/1999: regolament su pe dissipline de imigrazion e su la condizion di forest (.pdf 281 kb)

Art. 15 del D.P.R. n. 394/1999: oblic pai citadins forescj di rinovâ la declarazion di dimore abituâl zontade cul permès di permanence rinovât (.pdf 35 kb)+

Leç n. 94/2009 "Pachet sigurece": art. 1 come 28 (.pdf 35 kb)

MODULISTICHE

Domande dai citadins comunitaris di iscrizion te Anagrafe de popolazion residente - D. Lgjs. n. 30/2007 (.pdf 46 kb)

Declarazion di dimore abituâl di fâ ai sens dal art. 15 dal D.P.R. n. 394/1999 (.pdf 34 kb)

Responsabil: Dott. Pierantonio Marcato

Telefon: 0432/577316 - 319 - 320 - 374 -318 -313

Fax: 0432/570196 - 577383

Pueste Eletroniche: anagrafe@comune.tavagnacco.ud.it

Ufficio di competenza