zoom
Comun di Tavagna

Piazza Indipendenza 1 - 33010 Feletto Umb. - tel: 0432/577311 - 0432/1698911 - fax: 0432/570196

Va ai contignûts. | Spostiti su la navigazion

Imprescj personâls

Anagrafe de popolazion residente

— filed under:

La Anagrafe e à il fin di sigurâ, in ogni moment, la "fotografie" de realtât de popolazion che e à la sô dimore abituâl intal teritori dal Comun e adeguâle in maniere fisse aes situazions di fat esistents.

La Anagrafe comunâl e je un servizi di grande impuartance che il Comun al esercite par cont dal Stât, stant che, jessint plui dongje de popolazion interessade, al pues davuelzilu miôr e plui par timp.

La essence dal servizi e je di sigurâ une tignude regolâr dal regjistri de popolazion, che traviers chel si è in stât di savê, par esempli, il numar dai citadins residents o presints sul teritori comunâl, la lôr direzion, la composizion des fameis anagrafichis e v.i.

La prime font di informazions pe Anagrafe e je il citadin, ven a stâi che al è il sogjet stes che al met in jessi, cui siei moviments, cul formâ di une gnove famee e cu la procreazion, chei fats che a àn di jessi regjistrâts par timp inte Anagrafe.

I procediments tipics di competence dal Ufici, che a vignaran descrits in detai intes schedis ripuartadis chi sot a son rapresentâts des iscrizions e des cancelazions anagrafichis, dai cambis di direzion, des divisions e des riunificazions di nucli familiâr.

L'Ufici Anagrafe, par altri, al è competent par dâ fûr lis certificazions anagrafichis sedi in cors sedi chês situazions pregressis storichis, a autenticâ lis firmis in bande aes istancis e aes declarazions sostitutivis di at di notorietât, a legalizâ lis fotografiis par dâ fûr i documents personâi, a dâ lis Cjartis di Identitât e i librets di lavôr e infin a tignî inzornade la anagrafe dai pensionâts INPS, pai fins dal control de esistence in vite dai pensionâts e de conservazion dal stât di vedue o di fantate intai câs previodûts de leç. Cun di plui, par evitâ paiaments no dovûts che di chei i Comuns a podaressin jessi clamâts a rispuindi, al covente visâsi che la Anagrafe e comuniche cence intart ae INPS, cul sisteme telematic INA-SAIA, la muart dai pensionâts o di chei altris titolârs di assegns a caric dal stât e des aministrazions autonomis, e ancje lis eventuâls celebrazions di matrimoni des veduis o assegnatariis vuarfinis di pensions, de pierdite de citadinance taliane e dal acuist di citadinance foreste de bande dai titolârs di pension o di assegns continuatîfs.

Infin si vise che li des Anagrafis comunâls e je istituide la Anagrafe speciâl dai talians residents tal forest (A.I.R.E.), che, midiant notiziis furnidis dai Consolâts Talians tal forest, e à di jessi tignude inzornade in maniere fisse.

NORMATIVE DI RIFERIMENT:

Leç n. 1228/1954: ordinament des anagrafis de popolazion residente (.pdf 9 kb)

D.P.R. n. 223/1989: gnûf regolament anagrafic de popolazion residente (.pdf 40 kb)

D. Lgjs. n. 30/2007: dirit dai citadins de Union e dai lôr familiârs di circolâ e di stâ liberamentri tal teritori dai Stâts de union europeane (.pdf 73 kb)

Art. 15 dal D.P.R. n. 394/1999: oblic a caric dai citadins forescj di rinovâ la declarazion di dimore abituâl (.pdf 35 kb)

Zonte B) al D.P.R. n. 642/1972: ats, documents e regjistris esents de impueste di bol in mût assolût (.pdf 103 kb)

Orari pal public

  lunis martars miercus joibe vinars sabide
matine 10:30
12:00
10:30
13:00
10:30
12:00
10:30
12:00
10:30
13:00
09:30
12:00
dopomisdì
17:00
18:00
--:--
--:--
17:00
18:45
--:--
--:--
--:--
--:--
--:--
--:--

Responsabil: Dott. Pierantonio Marcato

Telefon: 0432/577316 - 319 - 320 - 374 -318 -313

Fax: 0432/577383 - 570196

Pueste Eletroniche: anagrafe@comune.tavagnacco.ud.it

Ufficio di competenza