zoom
Comun di Tavagna

Piazza Indipendenza 1 - 33010 Feletto Umb. - tel: 0432/577311 - 0432/1698911 - fax: 0432/570196

Va ai contignûts. | Spostiti su la navigazion

Imprescj personâls

Adozion dai cjans

La Aministrazion Comunâl di Tavagnà e à deliberât i incentîfs pe adozion, de bande di privâts, di cjans ricoverâts li de struture “Il Ripâr dai Cjans” di Udin mantignûts dal Comun concedint ai privâts che a domandin, che a ufrissin garanziis di bon tratament, a jutori parziâl des spesis sostignudis pal mantigniment e la cure, un contribût mensîl.

Par ogni adozion singule la Aministrazion Comunâl, di fat, e viodarà dal rimbors des spesis di mantigniment e cure di € 30,99.= mensîi di erogâsi in maniere semestrâl par un periodi complessîf di doi agns.

L'assintiment ai afidaments al vignarà dât intal ordin di presentazion des domandis, dopo aciertament e judizi insindicabil de Aministrazion Comunâl e la sielte dai cjans di vê in afidament al tocjarà a chei che a domandin, secont l'ordin di presentazion des istancis.

A ognidun che al presente domande al podarà, dut câs, jessi afidât dome un cjan a mancul che no sedi daûr une autorizazion motivade de bande de Aministrazion Comunâl e tal câs che la domande presentade e sedi relative ae domande di adozion di un cjan di etât plui basse dai 6 mês, nol vignarà paiade nissune sume fin al 6 mês.

Cualsisedi informazion al rivuart e pues jessi domandade al n. 0432/577319 - 577320 dal lunis al vinars des 10.30 aes 12.00 e il lunis dopomisdì des 17.00 aes 18.00, li dai Servizis Demografics dal Comun di Tavagnà.

Responsabil: dott. Pierantonio Marcato

Incargât: sig.ra Patrizia Di Lena

Telefon: 0432/577315

Fax: 0432/570196

Pueste Eletroniche: anagrafecanina@comune.tavagnacco.ud.it

Ufficio di competenza