zoom
Comun di Tavagna

Piazza Indipendenza 1 - 33010 Feletto Umb. - tel: 0432/577311 - 0432/1698911 - fax: 0432/570196

Va ai contignûts. | Spostiti su la navigazion

Imprescj personâls

COMPETENCIS DE AREE ATIVITÂTS ECONOMICHIS - SUAP

La Aree des Ativitâts Economichis - SUAP (Sportel Unic pe Ativitâts Produtivis) e je la struture Comunâl che si pues indreçâsi par dutis di domandis e par dutis lis informazions necessariis par tacâ, slargjâ, trasferî e sierâ une ativitât imprenditoriâl in ambit produtîf e di servizi.

Intun Comun li che la realtât economiche e je une vore rilevante, al è un pont di riferiment par l'imprenditôr: e garantìs facilitât di acès ai servizis, consulence e informazions su al ativazion dai procediments, gjestion svelte des domandis di autorizazion e garanzie dai timps di emission, par mieç di une modulistiche articolade.

In particolâr al sta daûr ae planificazion e ae emission des autorizazions e proceduris aministrativis necessariis par tacâ, intal Comun di Tavagnà, lis ativitâts intai setôrs:

  • dal cumierç fis e su aree publiche: buteghis, centris comerciâi, complès comerciâi, manifestazions cun vendite temporanie, distributôrs automatics, cumierç eletronic, vendite a domicili e su catalic, gjornâi e rivistis, distributôrs di carburants sedi de rêt publiche che privade, autorizazions sanitariis, venditis sotcost, licuidazions, e v.i.;
  • dai esecizis publics e albiercs: bars, ostariis, ristorants, tratoriis, albiercs, fitecjamaris, autorizazions temporaniis di soministrazion in ocasions di sagris o altris cunvignis di personis, autorizazions sanitariis, e v.i.;
  • des ativitâts artesanâls e agriculis: piruchîrs e estetiscj, vendite di prodots agricui, agriturisim, produzion di lat, vin produsûts intai terens propris, e v.i.;
  • de polizie aministrative: spetacui e intratigniments publics, locâi di spetacul public, cumierç di robis vecjis e di seconde man, salis di zûc, videozûcs e altris imprescj di intratigniment, nauli di veicui cun o cence vuidadôr, manifestazions di sorte locâls (lotariis, tombulis e pescjis di beneficence), atrazions e spetacui itinerants, circui privâts, rimesse pai veicui, e v.i.,

cun chê di dâ ai utents prestazions simpri plui eficientis e sveltis, semplificâ e rindi plui facii ducj i adempiments e contribuî ae promozion e al sucès des iniziativis economichis, piçulis e grandis, in ambit locâl, intal rispiet des normis, de planificazion e de trasparence, tignint cont des aspetativis sedi dai imprenditôrs che dai consumadôrs.

La Aree des Ativitâts Economichis - SUAP par cumò e sta daûr a dutis chestis proceduris, cjapant dentri partant ancje la gjestion dal Sportel Unic pes Ativitâts Produtivis dal Comun di Tavagnà, dispès in presince di normativits regjonâls che si messedin cun chês nazionâls, e je a disposizion dal utent par "vuidâlu" a procurâsi intai timps plui curts pussibii ce che al covente par tacâ o mudâ une ativitât economiche.

Il S.U.A.P.:

Ce isal?

Il SUAP al è un imprest che par mieç di lui a vegnin metudis adun, intun procediment unic, dutis lis autorizazions necessariis pal esercizi di ativitâts produtivis e di prestazions di servizis, daûr ce che al previôt l'art. 2 de L.R. n. 3 dai 12.02.2001 e modifichis e integrazions seguitivis.

Ce fasial?

Il Sportel Unic al esecite dutis lis funzions aministrativis che a integnin ae localizazion, ae realizazion, trasformazion, ristruturazion, slargjament, trasferiment e riconversion des ativitâts produtivis, intune otiche di semplificazion e di trasparence, permetint di acedi ae modulistiche e aes informazions, deventant ancje l'unic pont di acès teritoriâl par ducj i procediments di riferiment. Al è ancje competent in materie di Autorizazion Uniche Ambientâl (A.U.A.).