zoom
Comun di Tavagna

Piazza Indipendenza 1 - 33010 Feletto Umb. - tel: 0432/577311 - 0432/1698911 - fax: 0432/570196

Va ai contignûts. | Spostiti su la navigazion

Imprescj personâls

Educazion ae pâs e ae solidarietât

Dal prin ai siet Otubar 2008, intal Comun di Tavagnà si son davueltis tantis iniziativis indreçadis ae educazion ae pâs e ae solidarietât. La presentazion uficiâl de setemane si è tignude la sere dal prin di Otubar in Auditorium: numerosis e autorevulis lis presincis istituzionâls, insiemi ai gjenitôrs dai zovins e ai zovins.

A dâ il bon acet ai nestris ospits la Dirigjente scolastiche dot.e Glorie Aita, il Sindic di Tavagnà prof. Mario Pezzetta e il Sindic dal Consei Comunâl dai Fantats Denis Piron, in vieste uficiâl.

Incuintris, une schirie di tescj scrits, realizazions di dissens, riflessions, creazion di tescj teatrâi, laboratoris pai marcjaduts de solidarietât par fin dal an e tant altri a costituissin il disvilup di chest progjet.

Propit in chest periodi al è preseât ospit de nestre scuele il Signôr Fadel, rapresentant dal Popul Saharawi, che al puarte ai fruts e ai fantats la culture e lis tradizions de sô Tiere traviers lis imagjins e la conte des flabis tradizionâls. Un moment impuartant di cognossince e di riflession pai arlêfs che lu cognossaran e pai lôr insegnants.

la Dirigjente scolastiche dot.e Gloria Aita, il Sindic di Tavagnà prof. Mario Pezzetta e il Sindic dal Consei Comunâl dai zovins Denis Piron