zoom
Comun di Tavagna

Piazza Indipendenza 1 - 33010 Feletto Umb. - tel: 0432/577311 - 0432/1698911 - fax: 0432/570196

Va ai contignûts. | Spostiti su la navigazion

Imprescj personâls

La cerimonie dai 4 di Novembar

Ai 4 di Novembar dal 2007 une rapresentative dal C.C.r. formade dal Sindic Denis Piron, dal Assessôr Sara Marchesano e dai Conseîrs Beatrice Manzoni e Nicolas Bergamasco e à partecipât ae cerimonie de jevebandire che si è tignude a Branc intal plaçâl devant de glesie.

La cerimonie e je scomençade cuntune parade che i àn partecipât i alpins, la bande, i carabinîrs di Tavagnà, i conseîrs dal C.C.r. e il Sindic Prof. Mario Pezzetta par dopo lâ indevant cu la Sante Messe dedicade ai muarts in vuere. In cualchi moment tant impuartants il sun di une trombe e segnave aes autoritâts presintis di alçâ la proprie bandiere in segn di rispiet.

Ae fin de Sante Messe, devant dal monument memoreatîf la bande e à intonât l'Imni di Mameli che ducj a àn partecipât in maniere vive,intant che e vignive dreçade la bandiere taliane e metude une zoie di orâr. A chest fin l'organizadôr al à displeât in curt la nassite di cheste zornade dant dopo la peraule al Sindic Prof. Mario Pezzetta e a chel dal C.C.r. che cuntun discors a àn esponût lis lôr considerazions al rivuart. In sieradure di dut chest il conseîr Nicolas Bergamasco al à let une poesie di lui scrite intitulade "Imortâl cidin” che al à otignût tant sucès. La matinade si è concludude cuntun rinfresc ufiert dai alpins (li che ancje nô o vin partecipât).

Cheste esperience e je stade par ducj nô tant significative: e je la prime volte, di fat, che nô o partecipìn a un avigniment cussì tant che “politics”!!